Coppieters Awards

COPPIETERS sariak 2026 Saami Kontseilua

Coppieters Foundationeko presidenteak, Antonia Lucianik, Per-Olof Nutti, Sami Kontseiluko presidenteari eman dio saria

2026ko martxoaren 25ean, Alkartasuna fundazioa kide duen Coppieters Fundazioak bere 10. Sari banaketa antolatu zuen Bruselan.

Edizio hau berezia izan da, izan ere 10 urtetan lehen aldiz, saria ez zaio gizabanako bati eman, erakunde bati baizik: Saami Kontseiluari – Sámiráđi. Saami Kontseilua 1956an sortutako gobernuz kanpoko erakundea da, Saami kide diren erakundeak biltzen dituena Finlandian, Errusian, Norvegian eta Suedian. Europako herri indigenen erakunde zaharrena da.

Sari honekin, Coppieters Fundaziotik Saami Kontseilua goraipatu nahi dugu, kultura- eta hizkuntza-aniztasunaren defentsaren, eskubide kolektiboen, eta Sámi herriaren aitortzaren aldeko konpromiso bikain eta luzeagatik, baita berdintasunaren, jasangarritasunaren, eta bakearen idealak sustatzeagatik ere.

Bere lanaren bidez, Sámi Kontseiluak Sámi kulturaren nazioarteko aintzatespena indartu du, eta etengabe dihardu autodeterminazio-eskubidearen, parte-hartze demokratikoaren, eta kontsultaren alde, Sámi lurrei eta bizibideei eragiten dieten erabakietan zehazki.

Europa osoan tentsio geopolitikoak, ingurumen-presioak eta gutxiengoen eskubideen aurkako erronkak areagotzen ari diren honetan, Sámi herria aitortzea justizia kontua da, bai eta Europa inklusiboago, anitzago, jasangarriago eta baketsuago baten aldeko apustua aldi berean.

Saami kontseiluko ordezkariak saria esker onez hartu zuen, eta urte luzeetako lanaren aintzespen gisa irudikatu zuen. Belaunaldiz belaunadi, Saami herriak bere nortasuna, izaera eta balioak kantuz eta kontuz transmititu dituela azaldu du, ahozko kultura batetako parte diren heinean. Eta hala izanik, Saami herriko “Joik” edo bapateko bertso batekin amaitu zuen.

Continuar leyendo »

Jardunaldia

Itsas Gudari Eguneko bideoak

Bermeo 2026-03-01

  
                  Omenaldia Matxitxakon                                                            Solasaldia

 - Argazki galeria -

Omenaldia eta solasaldia

Itsas Gudari Eguna

Bermeo. 2026/03/01

Testuinguru oso ezegonkor batean murgilduta eta eskuin muturraren ofentsiba global baten erdian, zein puntutan dago Euskal Herriaren nazio eraikuntza?

Egungo errealitate politikotik galderari erantzuteko, euskal errepublika eraikiko duen burujabetza oinarri gisa estatus politiko berri baten beharra izango du ardatz aurtengo Itsas Gudari Egunak, eta eraldaketa nazional eta sozialerako erronkei heltzeko aukera emango du.

Topaketa Matxitxakoko batailaren 89. urteurrenean itsasgudariei urtero egiten zaien omenaldiaren ondoren egingo da.

Jardunaldia

Zaintzen Zain – Who Cares zainketen inguruko jardunaldiaren bideoa ikusgai duzu jada

Bilbo. 2026/01/24

  
            Zaintza sistema publiko                                                Zaintza ikuspegi ezberdinetatik

Kathleen Lynch, Nena Georgantzi,       Txefi Roco, Elisa Peredo, 
Tine Rostgaard, Dana Bachman           Jasone Giraldo, Ane Izagirre

• Kronika: Zaintza unibertsaltasunera nola eraman.
• ”We Need a New UN Convention on the Elderly with a Human Rights Approach to Care Policies” argues Nena Georgantzi at Bilbao event.
• “Good care is not something you achieve once and for all, it is something that must be promoted politically and socially.”Says Tine Rostgaard, Professor at Roskilde University (Denmark).

Jardunaldia

ZAINTZEN ZAIN / WHO CARES?

Zaintzak guztioi eragiten digu, baina guztiok zainduko gaituen sistema eraikitzen, ala eraisten gabiltza?

Gertuko inor zaintzen al duzu? Zainduko gaituzten erakundeen aldekoa zara? Zaintzaren pribatizazioa eta zaintzaileen lan baldintza kaxkarrekin kezkatuta al zaude?

Galdera hauei baiezkoarekin erantzun badiezu, ekimen hau zuretzat da.

Alkartasuna Fundazioak  Coppieters Foundationekin batera, Zaintzen inguruko jardunaldia antolatu dugu urtarrilaren 24an, larunbata, Bilboko EHUko Bizkai Aretoko Baroja Auditorioan (Abandoibarra Etorb., 3).

Bertan, nazioarteko adituek eta gizarte eta lan-arloko eragileek beren ikuspuntuak partekatuko dituzte, entzuleen arteko eztabaidarekin uztartuz.

• Inskripzioa

• Eskuorria

Jardunaldiak

Autoritarismoaren gorakadaren aurrean erantzun kolektiboen artikulazioa VII. Eskola Soberanistaren eztabaidaren muina

2025/11/28-29

Hogei bat fundazio, elkarte eta talde subiranista ezkertiarretako ehun bat ordezkarik autodeterminazioaren, gure hizkuntzen babesaren, ultraeskuinaren, supremazismoaren, neoliberalismoaren, migrazioen eta krisi bioklimatikoaren inguruko erronkei heldu diegu Eskolan.

:: Egitaraua       :: Argazkiak

- Monica Clua /politologo: “Olatu atzerakoia neoliberalismoaren estrategia da; indibidualizazioa gizartearen aurrean. Liberal autoritarioak, nazional-kontserbadoreak, faxismoaren oinordekoak, fundamentalismo kristaua, anarkokapitalistak eta konspiranoikoak elkartzen dira”

- Mertxe Aizpurua /EH Bilduko diputatua: “Francok dena utzi zuen lotuta. Franco hil. Franskismoa bizirik iraun, Tribunal de Orden Publico-a Audiencia Nazional izatera. Frankismoa ez da inoiz epaitua izan”.

“Euskal Herriko agenda subiranistan, estatus politiko berria dago. Etxebizitzak eskubide soziala izan behar du, hezkuntza eta osasuna diren bezala. Trantsizio ekologikoa ere giltzarria da”

Continuar leyendo »