Ezker fundazio soberanisten foroa

Apurtu giltzarrapoak: 1978ko erregimenaren garaipen demokratikoaren alde

1978ko Erregimentzat ezagutzen duguna ezarri zenetik 40 urte bete direla, gaur egun Espainiako Erresuma osatzen duten hainbat herrialde eta naziotako Fundazio eta erakundeok hausnarketa hau zabaldu nahi dugu. Konplizitate eta elkartasunak ehuntzeko deialdia da hau, giltzarrapoak apurtu eta herrien zein pertsonen askatasunari behingoz eta betiko bidea zabal diezaiogun.

Adierazpena – Declaración. Ezker Fundazio Soberanisten Foroa – Foro de Fundaciones soberanistas 2018

Hizketaldi-zikloa: ‘Abertzaleen arteko elkarlana’

Gure Herriaren ibilbide politikoa berdina izango litzateke emakumeak egongo balira erabakiguneen lehen lerroan?

Portugaleteko alkartetxearen 30. urteurrena dela eta, eta Portugaleteko EAko toki erakundearekin batera, Euskal Herriaren autodeterminazioa lortzeko abertzaleen artean izandako elkarlanaren baitan, besteak beste, emakumeen parte-hartze politikoari buruzko hitzaldia antolatu dugu

Portugaleteko Alkartetxea. 2018/11/17. Bideoa      Kartela

Lau politikarik abertzaleen arteko elkarlanari buruzko gogoeta egin dute beraien esperientziatik. Nola sartzen dira abertzaleak frankismoaren ostean? Emakumeen arteko elkarlana ala abertzaleen arteko elkarlana; zer da errazagoa eta Euskal Herriaren etorkizun politikoari begira, zer da beharrezkoagoa?

Parte hartu dute: Kontxi Gabantxo, UEMAko presidente ohia (Udalerri euskaldunen mankomunitatea), eta EAko zinegotzi ohia Bermeon, Maria Luisa Mangado, Nafarroa Baiko parlamentari ohia, Marian Arresti. EA Arabako kidea, eta Jone Goirizelaia, EH Bilduko legebiltzarkidea eta ‘Ahotsa’ kolektiboko kide.

Moderatzaile: Meritxell Elgezabal. Aurkezle: Nestor Artola

Gardentasuna

Alkartasuna Fundazioa bigarren fundazio politikorik gardenena, antzerako 49 erakunderen gainetik

Puntuazio gorenetik puntu bakarrera geratu da “Compromiso y Transparencia” fundazioak egindako urteroko txostenean

“Gardentasuna, 2017ko lelo hoberena” izeneko txostenak estatu espainiarreko 49 fundazio politikoren ekimen eta egituraren inguruko  kontuen ikuskapena eta fiskalizazioa ikertzen ditu, eta hauen webgunetan argitaratzen al dituzten datuok. Txostenaren arabera, ikertu diren fundazioen %8ak soilik lortu du “garden” kalifikazioa (Sabino Arana, Alkartasuna, Josep Irla eta Rafael Campalans fundazioak).

Rankinga hemen ikus daiteke (gaztelaniaz): https://www.hazfundacion.org/rankings-de-transparencia/sector/fundaciones-politicas

Hitzaldia

‘Europa irudikatzen’

Gasteiz. 15/09/2018  Bideoa

David Grosclaude, ALEko lehendakariordea eta Aitziber Salazar, aholkularia Europako Parlamentuan, Europar Batasunak behar dituen aldaketen inguruan hausnartu zuten.

Europako hauteskundeak, Estaturik gabeko nazioetako papera, politika sozialak versus austeritate ekonomikoa, alderdi txikien boterea edo ingurumen-politikak, edota Brexita ere izango ditugu hizpide; Europa berria irudikatu nahi dugu. Aurkeztu zuen: Iria Epalza, Alkartasuna Fundazioko kidea.

• Gainera, ‘ImagiNATION. 100 years of visual political communication on self-determination’ erakusketa inauguratu genuen. ALEko alderdietako historia grafikoa, herrien autodeterminazioaren, justizia sozialaren, hizkuntza eskubideen eta ingurumenaren jasangarritasuna alde.

Las frases:

Continuar leyendo »

Hurrengo hitzaldia

‘EUROPA IRUDIKATZEN’

Irailak 15, arratsaldeko 18.00tan, Gasteizko Alkartetxean (San Prudentzio 3).

David Grosclaude, kazetaria, irakaslea eta ALEko lehendakariordea eta Aitziber Salazar, aholkularia Europako Parlamentuan, Europar Batasunak behar dituen aldaketen inguruan hausnartuko dute.

Europako hauteskundeak, Estaturik gabeko nazioetako papera, politika sozialak versus austeritate ekonomikoa, alderdi txikien boterea edo ingurumen-politikak, edota Brexita ere izango ditugu hizpide; Europa berria irudikatu nahi dugu.

Aurkezlea: Iria Epalza, Alkartasuna Fundazioko kidea

Abertzaleen arteko elkarlana

“Herria indartu behar dugu Independentziaren proiektua aurrera ateratzeko! Eta nola indartzen da Herria? Bozkak bilduz, erakundeak gureganatuz eta Herriaren proiektua erakundeetatik bultzatuz!” Jose Luis Elkoro

Bilbo. 2018/09/13      Bideoa

Euskal Herriaren autodeterminazioaren bidean, alderdi abertzaleen arteko elkarlanak emandako pausoak. Txibertatik, estatus berrira. Perspektiba historikoa: Txiberta, Lizarra-Garazi, Ibarretxe Plana, Lortu Arte, autogobernuko ponentzia…

Esaldiak:

•  Jose Luis Elkoro  /  Ezker Abertzaleko kide historikoa, Bergarako Alkate ohia, HBko mahaikidea, Diputatu ohia, Eusko legebiltzarkide ohia, Gipuzkoako batzarkide ohia.

- 1977ko Txibertatik hasi gara, Telesforo Monzonen abertzaleen arteko elkarlana asmotik. Elkoro: zentral nuklearrak eta autopistak ziren orduko lehentasun. Hori geldiaraztea lortu zuen Herri Mugimenduak,eta udaletxera sartzeko aukerak jorratu genituen Arias Navarroren garaian!- Euskal Herriko udaletxe gehienetan agintzea lortu genuen. Monzonek jada landuta zituen ETA eta PNVrekin elkarrizketak. Nik arduratu nintzen beraz alkate eta zinegotzi zein Herri Mugimenduak konbokatzeko

Continuar leyendo »