Subiranotasun Gatazkak

Europaren etorkizunari buruzko Konferentzian aurkeztekoa den Subiranotasun-gatazkak konpontzeko oinarrien dokumentua aukeztu da

Eusko Ikaskuntzaren eta Institut d ‘Estudis Catalans-en lankidetzako ekimenan parte hartzen du Alkartasuna Fundazioak

2022/03/21

“Europar Batasuna subiranotasun-gatazken aurrean: argitasun-esparru baterantz” jardunaldian, Eusko Ikaskuntzak eta Institut d ‘Estudis Catalans-ek subiranotasuneko lurralde-gatazkei erantzun demokratikoa emateko oinarrien dokumentuaren azken bertsioa aurkeztu dute, Europako Parlamentuak, EBko Kontseiluak eta Europako Batzordeak sustatutako Europaren Etorkizunari buruzko Konferentzian aurkezteko asmoz.

Lorena Lopez de Lacallek, European Free Alliance eta Alkartasuna Fundazioko presidenteak, Donostiako Miramar Jauregian egindako jardunaldian parte hartu du, GUE/ENGL (The Left in the European Parliament) eta RE (Renew Europe) Europako talde parlamentarioekin, aditu talde batekin eta gizarte zibilaren ekarpenak jasotzeko lan-taldeekin.

• Dokumentua: Subiranotasun lurralde-gatazkak konpontzeko oinarriak Europako esparruan
  
• Claves del documento de bases para la resolución de conflictos de soberanía en Europa
  Jaume Lopez, Mario Zubiaga, Zelai Nikolas / Proiektuko talde zientifikoko kideak.
  

Hezkuntza

Hezkuntza sistema eta hizkuntza murgiltze ereduak aztertu dituzte EAk, Alkartasuna Fundazioak eta European Free Alliance-k antolatutako webinarrean

2022/01/28

Bideoa

Urtarrilako 28an ospatu zen Eusko Alkartasunak, Alkartasuna Fundazioak eta Europako Aliantza Libreak antolatutako webinarra “Hezkuntza inklusiboa eta murgiltze ereduak Europan” aztertzeko. Gaurkotasunik handieneko gai honi buruzko saioa hiru mahai-ingurutan banatu zen.

Lehenengoan, Eusko Alkartasunako idazkari nagusiak, Eba Blancok, hezkuntza-sistemaren egungo egoera aztertu zuen. Ildo horretan, euskal hezkuntza-sistemak dituen eta gainditu behar dituen gabeziak lau direla adierazi zuen: politika inklusiboetan sakondu beharra, murgiltzean oinarritutako ereduaren beharra, behin-behinekotasun-tasa errotik moztu behar izatea, eta jaiotza-tasaren jaitsiera ikasgeletako ratioak jaitsi eta irakaskuntzan kalitatea irabazteko aukeratzat hartu beharko litzatekeela.

“Eusko Alkartasuna prest dago gainerako eragile politiko eta sozialekin herri honetako irakaskuntza sistema hobetzeko akordiora iristeko” azaldu zuen. Joan den irailean, EH Bilduk proposamen bat atera zuen, orain militantzia eztabaidatzen ari dena eta akordio sendo eta iraunkorrak lortzeko oinarri zabala eskaintzen duena. “Eusko Jaurlaritzako Hezkuntza Sailaren asmoak benetakoak badira, gu hor egongo gara, akordio bat lortzeko borondate osoz, egia da, baina negoziatuko den edukiaren arabera. Horrela, gure ustez, euskal eskola publikoak izan beharko luke lortu behar dugun akordio horren ardatz egituratzailea”, azpimarratu zuen Eba Blancok.

Continuar leyendo »

‘Hezkuntza inklusibora murgilduz Europan’. Webinar

Urtarrilaren 28an izango da jardunaldia, 17:00etatik 19:30era, -euskaraz, gaztelaniaz eta ingelerazko itzulpenarekin- eta esteka honen bidez jarraitu ahal izango da: https://us02web.zoom.us/j/84140973579

• Egitaraua

EAk eta Alkartasuna Fundazioak, ALE (Europako Aliantza Librea) alderdi politiko europarraren laguntzarekin, “Eskola inklusibora murgilduz Europan” webinarra antolatu dute, 3 helburuokin:
1. Europan hizkuntza-murgiltze eredu onenak zeintzuk diren aztertzea, hezkuntza-lege berri bati begira;
2. Hezkuntzaren eta erakundeen eremutik kanpo euskararen erabilera nola sustatu.
3. Finlandiak, Faroe Uharteek eta Kataluniak arlo horretan duten esperientzia ezagutu.

Continuar leyendo »

Forum

Lorena Lopez de Lacalle eta Alkartasuna Fundazioak Forum Soberanista eta Coppieters Foundation-en nazioarteko lehen jardunaldietan parte hartu dute maila anitzeko gobernantzari buruz

Abenduaren 10ean eta 11n, Gandian, hogei bat erakunde subiranisten partaidetzarekin eta 150 baino gehiagok parte hartu dute

Tripticseminarigandia   Twitter

Webinar

Webinar saioa  Eusko Ikaskuntzarekin: Subiranotasuneko lurralde-gatazkak konpontzeko praktika egokien kodearen garapena

2021/11/26

Bideoa

Eusko Ikaskuntzak azaldu dizkigu Europako lurralde-subiranotasuneko gatazkak konpontzeko Jardunbide Egokien Kodearen proiektuaren gakoak, garapen-fasea eta sozializazio-fasea, eta nazioarteko 70 unibertsitatetako jurista eta politologoen parte-hartzea. Institut d’Estudis Catalans-ekin batera sustatua den ekimena da hau.

Beatriz Akizuk zuzendutako eta Mario Zubiagak (UPV/EHU) eta Zelai Nikolasek (Gure Esku Dago erakundearen bozeramaile ohia) koordinatutako proiektuaren helburua da Europar Batasuneko erakundeak inplikatzea, EBri gatazkak kudeatzeko eta demokratikoki konpontzeko tresna edo ‘araudia’ emateko asmoz.

Solasaldia

Alkartasun Zitak. Un espacio de dialogo libre sobre política, país y vida

Eba Blanco eta Arnaldo Otegiren arteko solasaldia

2021eko urrian

Eusko Alkartasunako Idazkari Nagusiak eta Euskal Herria Bilduko Koordinatzaile Nagusiaren arteko solasaldia, burujabetza, nortasuna, auzolana, kultura, eskubide sozialak eta Herri proiektuari buruzko hausnarketak partekatuz

 Bideoa

Continuar leyendo »