Coppieters Foundationaren Biltzar Orokorra

Alkartasuna Fundazioa Europako fundazio ezberdinekin batu da “Herri guztientzako Europa” lemapean

Estaturik gabeko nazioen ekimen politikoa elikatu, hausnartu eta aditzera emateko moduak aztertu dituzte 12 fundazio ezberdinek bavarian asteburuan zehar

Landshut (Baviera) Apirilak 2018

Alkartasuna Fundazioak Coppieters Foundationaren Biltzar Orokorrean hartu du parte, Bavierako Landshut hirian. Aurten 10 urte bete ditu independentista flandiar handiaren izena duen fundazioak, eta berau berritzea izan da bilera honetako helburu nagusienetarikoa. Urtean behin egiten da bilera hau, Aliantza Libre Europarra –ALE- eta Gazteen erakundeak ere bertan batzen dira.

Hainbat erabakiren artean, lehen “Centre Maurits Coppieters” zena, orain Coppieters Foundation bilakatu da. GKEbezala hasi zen erakundeak orain fundazio politiko baten statusa lortu duelako. Irudi korporatiboa ere aldatu dugu Coppieters-eko kideok; betiere mugimendu bakezalea eta Europako Herrien armonia irudikatzen duen mitxoleta gorde da, baina aire berriztuagoekin.

Europako Herrien pentsamendu eta argudiategi laborategia den honek, 7 argitarapen egin ditu aurten. Hauetako bat, Feminismoak Europako periferiatik (izenean klikatuz lortu dezakezuna), zeinetan Alkartasuna Fundazioko kide Iria Epalzak artikulu bat idatzi duen.

Continuar leyendo »

Alkartasuna Sariak

6. edizioa
Jean-René Etchegaray, Laurence Hardouin, Anje Duhalde eta Marie-Ange Thébaud, 2018ko Alkartasuna Saridunak

Baiona. 2018/04/21      Liburuxka

Euskal Herriko bake eta normalizazioa, migratzaileen eskubideen defentsa, euskal kantugintzari egindako ekarpena eta osasun eta kontsumitzaileen defentsa dira hurrenez hurren Nestor Basterretxearen «Zazpiak Bat» dominaren bidez omenduko zaizkien lanak hurrengo apirilak 21ean Baionan

Alkartasuna Fundazioak 2018ko Alkartasuna Sariekin omenduko ditu Jean-René Etchegaray Iparraldeko Euskal Elkargoko lehendakari eta Baionako alkatea Euskal Herriko bakegintza eta normalizazioa bultzatzeagatik, Laurence Hardouin abokatua eta migratzaile, erbesteratu eta asiliatuen eskubideen defendatzailea, Anje Duhalde Euskarazko rock eta folk musikaren aitzindari eta euskal kantutegiko autore klasiko bilakatu dena, eta Marie-Ange Thébaud ekologista eta osasun eta kontsumitzaileen aldeko ekintzailea.

Continuar leyendo »

Mahai Ingurua ‘Hondakinen kudeaketa europar markoan’

“Gaikako bilketa garbia da, merkeagoa da, osasuntsuagoa da, humanitarioa da, eta planeta bakar honen baliabideak ez agortzen laguntzen du” Eva Garcia /Nafarroako Gobernuko Ingurumen Zuzendari Nagusia

Donostia. 2018/03/13

BIDEOAK:
Lehen partea Bigarren partea

ESALDIAK:

Eva Garcia

- Gobernura heldu ginenean ez zegoen hondakinen planik, baina bagenuen jada Europar Batasunak igorritako isuna planik ez edukitzeagatik. Beraz lanean jarri ginen, eta oinarritutako plana egin dugu.

Continuar leyendo »

Mahai Ingurua

Hondakinen kudeaketa ezberdinak Europar Markoaren Barruan

Donostia 2018/03/13

Administrazio publikoek gure baliabideak hobeto kudea ditzaten, Europar Batasuna ezartzen ari den  araudia gero eta zorrotzagoa da. Europako kontinentean  lehengaiekin gabezi handia egonda, hiri hondakinen kudeaketa eraginkorra lortzeko, zabortegiak eta errausketa erabiltzea ahalik eta gehien murriztu nahi dute. Horrez gain, Ingurumenarekin zerikusirik duen kudeaketan, herritarren partaidetzarako neurriak jartzea ezinbestekoa da: gobernuek informazioa helarazteko eta  hitza emateko betebeharra dute.

Euskal Herrian hondakinak kudeatzeko eredu desberdinak aurkitu ditzakegu, eta mahai-inguru honek, Europako testuinguruan murgildurik, Gipuzkoan eta Nafarroan garatzen ari diren esperientzia ezberdinak ekarri nahi izan ditu.

Mahai Ingurua

Pentsio duinen euskal sistema publiko baten alde

Gizarte Segurantzaren kutxa bakarra, eta kudeaketaren transferentzia…
Euskal gizarteari egindako etengabeko iruzurra?
Pentsioen euskal sistema publikoa bideragarria al da?
Lan harremanen euskal esparrua eta babes soziala, enplegu, soldata eta prestazio duinak izateko?
Politika fiskala aldatzea beharrezkoa da?

Babes sozialeko sistema propio baten bideragarritasuna enpleguari, ordainsariei, kotizazioei eta fiskalitateari buruzko politika berri baten bidez, agortutako eredu espainiar bati kontrajarria, eredu hori prekarietatean, pentsio txikietan eta erreserba-funtsa hustean baitago oinarrituta

Bizkaiko Batzar Nagusien hitzaldi aretoan (Bilbo). 2018/01/30. 18etan

Audio Arri Zulaika-Elkarrizketa Onda Vasca 29-01-2018

Txostena

Alkartasuna Fundazioak Kataluniako Erreferenduma ikuskatzeko CIEMEN erakundeak antolatutako nazioarteko ordezkaritzan parte hartu du

CIEMEN eskertu nahi dugu bere gonbidapenagatik, eta gure babes eta elkartasunik beroena helarazi nahi diogu Herri Katalanari beren autodeterminazio eskubidea egikaritzean

Informazio gehiago:

Txostena 1 octobre catalunya. Report Alkartasuna Fundazioa

Bideoak 

Adierazpena

Kataluniarekin eta gure erabakitzeko eskubidearen alde

Euskal Herriko Fundazio Soberanistok bat egiten dugu urriaren batekoan burutuko den ariketa demokratikoarekin,  erreferendumarekin.    Honetan parte hartzeko deia luzatu nahi genuke, bakoitzak bere esparrutik.  Dokumentu honen sinatzaile garen Fundaziook CIEMEN elkarteak gonbidaturik delegazioa bidaliko dugu egun horietan Bartzelonara.

1: Euskal Herriko Fundazio Soberanistok kezka handiz ikusten dugu espainiar estatua herritar katalanen erabakitzeko eskubidearen kontra bideratzen ari den eraso zital erraldoia. Onartezina da errepresioa baliatzea herri baten demokrazia gogoaren aurka. Eredugarria da Kataluniar Herriak jazarpenaren aurrean duen jarrera irmo, baketsu eta arduratsua.

Continuar leyendo »

Mahai ingurua

Kolonbiako bake prozesuari
buruzko topaketa

Zerk hunkitzen gaitu emozionalki edo mobilizatzen gaitu politikoki? Zer mekanismo baliatzen dituzte boterea dutenek, botere hori izateko?

Kolonbia, Libia, Estatu espainiarra edo beste gatazka asko. BBC, Al Jazeera, CNN, Canal Plus edo TeleSur haien bozgorailu gisa. Horietan guztietan esperientzia izanik, Unai Aranzadi erreportari eta dokumentalistak gure iritzi politikoa eratzen duen informazio-mapa hori zehatz analizatzen du Kolonbiako gerra, Giza Eskubideen urraketa eta bake-prozesuaren adibidea oinarritzat hartuz.

Aranzadik bake-prozesuari buruzko bere dokumentala eta Kolonbiako biktimak aurkeztuko ditu, ‘La Paz Insurrecta’.

Eta ondoren parte hartuko du Joxerramon Bengoetxearekin mahai-inguruan (EHUko zuzenbidearen soziologiaren nazioarteko masterraren zuzendaria), eta bake-elkarrizketetako mahaiko kidearekin, Camilo Umaña.

Eskuliburua

Trailerra

Continuar leyendo »

Euskal kultura eta euskara sustatzeagatiko sariak

Alkartasuna Fundazioak saria eman die Txomin Peillen, Martine Bisauta, ‘Txetx’ Etcheverry eta Xebax Christy jaun-andreei euskal kulturari eta euskarari egindako ekarpena eskertzeko

Baiona. 2017/04/22

Bideoak: Ekitaldia     ETBko bideoa (Iparraldearen Orena)

Saridunak       Kartela      Argazkiak      Prentsan

Txomin Peillen idazlea eta euskararen ikertzaileak, Martine Bisauta Batera herritar-plataformaren kide fundatzaileak, ‘Txetx’ Etcheverry sindikalista, ekologista, eta bakezaleak eta Xebax Christy ‘Euskal moneta’-ren sustatzaileak, kultura sustatzaile hauek jaso dituzte 2017ean Alkartasuna Fundazioak urtero ematen dituen ‘Euskal kultura eta euskara sustatzeagatiko sariak’.

Alkartasuna Fundazioak euskara eta euskal kultura babesteko erakutsi duten inplikazioa ohoratzea erabaki du, baita Euskal Herriaren garapen sozial, ekonomiko eta politikoaren alde egin duten ekarpena ere, betiere justizia sozialaren eta bakearen printzipioei jarraikiz.

Lorena Lopez de Lacalle, Alkartasuna Fundazioaren lehendakariordea eman die ‘Zazpirak bat’ saridunei, Nestor Basterretxea eskultoreak diseinatuta.

Continuar leyendo »

Adierazpena

Estatuko ezkertiar eta aurrerakoi fundazio subiranistok herrien subiranotasuna defenditzen dugu, neoliberalismo, xenofobia eta eskuin muturraren aurrean

Bartzelonan, lehenengo aldiz, topaketa batean parte hartu genuen, eta gure elkartasuna adierazi genien katalauniako herriari eta bere instituzio demokratikoei

2017/02/21

Urte amaieran Bartzelonan lehenengo aldiz bildu ginen espainiar estatuko ezker nazionalen hainbat fundazio, Centre Internacional Escarré per a les Minories Ètniques i les Nacions (CIEMEN)ek gonbidatuta. Kataluniako erakunde honek nazioarteko elkartasuna lantzen du, eta dei egin zien beren burua ezker subiranistan kokatzen duten organizazio politiko eta sindikalei (hauek oso tradizio desberdinak dituztelarik: antikapitalismoa, sozialdemokrazia aurrerakoia, ekosozialismoa edota errepublikanismoa), estrainekoz iritziak elkartrukatzeko.

Continuar leyendo »